اسلام آباد۔23ستمبر(اے پی پی) مصر اچ تھیوݨ آلے بحری، بری اتے فضائی افواج تے مشتمل بین الاقوامی فضائی مشق برائٹ اسٹار 2023 اچ حصہ گھنݨ آلے پاک فضائیہ دے دستے مشق اچ کامیاب شرکت دے بعد وطن واپسی تے ھک آپریشنل ایئر بیس تے لینڈنگ کیتی اے ۔ مشق توں ایندے اچ رلیلے دنیا دے کل 30 توں ودھ ملکاں دی مسلح فوج وچال سانجھے تعاون اتے پیشہ ورانہ صلاحیتاں کوں ودھارا تھئے ۔ ترجمان پاک فضائیہ دی طرفوں اتوار کوں جاری پریس ریلیزموجب مشق اچ حصہ گھنݨ آلے پاک فضائیہ دے دستے اچ شامل پیشہ ورانہ مہارت دے حامل لڑاکا پائلٹس، ماہر ایئر ڈیفینس کنٹرولرز اتے تجربہ کار تکنیکی گراؤنڈ عملے شاندار کارکردگی ݙکھائی ۔ مشق اچ پاک فضائیہ دی شرکت، فضائی جنگ اچ نویں ابھردے ہوئے جدید عوامل نال ہم آہنگ رہݨ دی ایندی صلاحیت تے جدید دور دی فضائی جنگ دے بدلتے ہوئے چیلنجز نال مؤثر انداز اچ نبݨݨ کیتے بین الاقوامی برادری نال تکڑی شراکت داری قائم کرݨ دا مظہر اے۔
