اسلام آباد۔27جولائی(اے پی پی):وفاقی وزیراقتصادی امور سردار ایاز صادق آکھیے عالمی بینک اتے ایشیائی ترقیاتی بینک چھل دے منفی اثرات نال نبݨݨ ، ادائیگیاں اچ توازن تے ترقیاتی منصوبیں تے عملدرآمدتے پیشرفت اچ اہم کردارنبھائے ۔ اے ڳالھ انہاں خمیس کوں اتھاں گزریل مالی سال اچ مختلف منصوبیں تے پیش رفت اتےمالیاتی اموراچ وزارت اقتصادی اموردے افسراں، عالمی بینک، ایشیائی ترقیاتی بینک اتے ٻئے ترقیاتی شراکت داراں دے کرداردی تعتعریف کیتے منعقدہ تہنیتی تقریب توں خطاب اچ آکھی اے ۔وفاقی وزیر شرکاء اتے مہماناں دا پرتپاک خیرمقدم کیتا۔تقریب توں خطاب اچ انہاں آکھیے عالمی بینک، ایشیائی ترقیاتی بینک اتے ترقیاتی شراکت داراں 2022 دی تباہ کن چھل دے منفی اثرات نال نبݨݨ ، ادائیگیاں دے توازن دے مسئلیں تے ترقیاتی منصوبیں تے عملدرآمد تے پیشرفت کوں بہتر بݨاوݨ اچ پاکستان دی مجموعی طور تے مدد کیتی اے ۔ انہاں آکھیے وزارت اقتصادی اموردے افسران، عالمی بینک اتے ایشیائی ترقیاتی بینک دی سانجھیاں کوششاں پاروں پاکستان مالی سال 2023 اچ 4.4 ارب امریکی ڈالر دی معاونت حاصل کرݨ اچ کامیاب رہیا ، انہاں آکھیے اساں عالمی اداریں نال رل تے ھک قابل ذکر نظیر قائم کیتی اے تے اے سلسلہ مستقبل اچ وی جاری رہسی ۔ اقتصادی اموردے سیکرٹری پاکستان دی ترقی دی لوڑھ کوں پورا کرݨ خاص طور تے ہنگامی حالات اچ تعاون ودھاوݨ تے عالمی بینک اتے ایشیائی ترقیاتی بینک دی ٹیماں دا شکریہ ادا کیتے۔
