اسلام آباد۔10فروری (اے پی پی):پاکستان اچ ایران دے سفارت خانے آکھیے ایران دی فتح دی 44 ویں سالگرہ ݙوہیں دوستانہ، برادرانہ اتے ہمسایہ ملکاں دے درمیان سفارتی تعلقات دی 76 ویں سالگرہ دے موقع تے منائی ویندی پئی اے ، 11 فروری انقلاب اسلامی ایران دی فتح دا ݙینھ اے ۔ سفارت خانے دی طرفوں جمعہ کوں جاری بیان اچ آکھیا ڳئے جو ایران تے پاکستان ݙو ہمسایہ تے بھرا ملک ہن اے ݙوہیں قوماں گھاٹے مذہبی، ثقافتی اتے تاریخی رشتے رکھیندن تے ست ݙھاکیں توں ودھ عرصے تئیں امن تے یاری دے نال کٹھے رہین ، انقلاب اسلامی ایران دی فتح دی 44 ویں سالگرہ ݙوہیں دوستانہ، برادرانہ اتے ہمسایہ ملکاں دے درمیان سفارتی تعلقات دی 76 ویں سالگرہ دے موقع تے منائی ویندی پئی ۔ بیان اچ آکھیا ڳئے جو اسلامی انقلاب دے سارے چاہݨ آلیں تے پاکستان دے باشرف عوام کوں ایں موقع تے مبارخ ݙیندوں ۔
