اسلام آباد۔12دسمبر(اے پی پی) صدر مملکت ڈاکٹر عارف علوی طلباء تے زور ݙتے جو او علم دے روایتی اتے آن لائن وسائل کوں استعمال کریندے ہوئیں علم حاصل کریندے رہن تے حاصل کیتا ڳئے علم کوں ملک تے عوام دی خدمت کیتے استعمال کرن، پاکستان اپݨے قدرتی اتے انسانی وسائل دے لحاظ نال وݙی صلاحیت رکھیندے ، 22 ملین سکولاں توں ٻاہر ٻالاں کوں سکولاں اچ گھن آوݨ کیتے تکڑے اقدامات دی لوڑھ اے ۔ ایوان صدر دے پریس ونگ موجب صدر مملکت اے ڳالھ کیڈٹ کالج قلعہ سیف اللہ بلوچستان دے طلباءدے وفد نال سنوار کوں اتھاں ایوان صدر اچ ملاقات اچ آکھی اے ۔ صدر طلباءکوں آکھیے جو او مارکیٹ دے قابل ہنر حاصل کرن تے حاصل کیتے ڳئےعلم کوں ہمدردی نال ملک اتے ایندے عوام دی خدمت کیتے استعمال کرݨ دے نال نال اخلاقی اقدار دی پاسداری کرن ۔ انہاں آکھیے اخلاقی اقدار دی پاسداری، وݙیں دا خیال، چھوٹیں نال محبت اتے ہمدردی وی صحت مند اتے خوشحال معاشرے دی تعمیر کیتے ضروری ہن ، معیاری قیادت، وختی فیصلیں تے ماضی ستوں سبق سکھ تے مسئلے تے بحراناں تے قابو پاتا ونڄ سڳدے ۔ صدر مملکت آکھیے بلوچستان دے طلباءعلم دے روایتی اتے آن لائن وسائل دی مدد نال علم و ہنر حاصل کریندے رہ ونڄن۔
