اسلام آباد-25 سيپٽمبر (اي پي پي) سينيٽ چيئرمين سيد يوسف رضا گيلاني سان روس جي سفير اربع ڏينهن پارليامينٽ هائوس ۾ ملاقات ڪئي جنهن ۾ خطي، علائقائي، عالمي صورتحال ۽ گڏيل لاڳاپن تي تفصيلي خيالن جي ڏي وٺ ڪئي وئي. ان موقعي تي سينيٽ چيئرمين سيد يوسف رضا گيلاني چيو ته روس سان گهڻ رخي تعاون کي وڌيڪ هٿي ڏيڻ جا خواهشمند آهيون. روس خطي جو اهم ملڪ آهي. پاڪستان روس سان پنهنجن لاڳاپن کي قدر جي نگاهه سان ڏسي ٿو. روس جي سفير رشين فيڊريشن ڪائونسل جي چيئرپرسن ويلنٽينا ميٽيا وينڪو طرفان سينيٽ چيئرمين سيد يوسف رضا گيلاني لاءِ مبارڪن جو خط پڻ پيش ڪيو.
