اسلام آباد۔1جولائی(اے پی پی)وفاقی وزیرخزانہ ومحصولات سینیٹر محمداورنگزیب آکھیے جو حکومت انفارمیشن ٹیکنالوجی دی صنعت کیتے سازگارماحول ݙیوݨ تے توجہ ڈیندی پئی اے۔ انہاں اے ڳالھ پاکستان آئی ٹی انڈسٹری ایسوسی ایشن دی ایگزیکٹوکمیٹی دے ارکان نال ملݨ ویلھے آکھی۔ وفد دی اڳواݨی ایسوسی ایشن دے چیئرمین محمد ذوہیب خان کیتی۔ وفد ایسوسی ایشن دے جاری اقدامات اتے آئی ٹی صنعت دے ودھارے کیتے حکومتی تعاون دی اہمیت ڳݨوائی۔ وزیر خزانہ آکھیے جو حکومت آئی ٹی دی صنعت کوں سازگار ماحول ݙیوݨ کیتے ودھ اقدامات کریندی پئی اے۔ ملاقات اچ آئی ٹی دی صنعت دے چیلنجاں، امکانات، مواقع اتے مسلیاں تے ڳالھ مہاڑ تھئی۔
