اسلام آباد۔9جولائی (اے پی پی) وفاقی وزیرداخلہ محسن نقوی دا اسلام آباد دے علاقے کھنہ اچ ڈور پھرݨ نال ٻالڑی دے جاں بحق تھیوݨ دے واقعے دا نوٹس ڳھندیں ہوئیں آئی جی اسلام آباد پولیس توں رپورٹ منڳ ڳھدی اے۔ منگل کوں وزارت داخلہ توں جاری بیان موجب وزیرداخلہ ذمہ واراں دے خلاف قانونی کاروائی دا حکم ݙے ݙتے۔ وزیرداخلہ محسن نقو ی جاں بحق ٻالڑی دے لواحقین نال ہمدردی اتے تعزیت کییتی۔ وزیرداخلہ اسلام آباد اچ پتنگ بازی تے پابندی دے قانون تے سختی نال عملدرآمد یقینی ٻݨاوݨ دا حکم ݙیندیں ہوئیں آکھیا جو پتنگ بازی تے پابندی دے خلاف قانون دی خلاف ورزی تے بلاامتیاز کاروائی کیتی ونڄے۔ وزیرداخلہ محسن نقوی دی ہدایت تے اسلام آبادپولیس راولپنڈی نال ملحقہ علاقیاں اچ پتنگ بازاں دے خلاف کریک ڈاؤن کریندیں ہوئیں 39 چھاپے ماریے جئیں اچ 23 بندیاں کوں گرفتار کیتا ڳئے۔
