اسلام آباد۔12جون (اے پی پی) مالی سال 2024-25 دے سرکاری شعبہ دے سالانہ ترقیاتی پروگرام (پی ایس ڈی پی) اچ محصولات ڈویژن دے جاری اتے نویں منصوبیاں کیتے مجموعی طور 17696 ملین روپے رکھݨ دی تجویز ݙتی ڳئی اے جئیں اچ 13363.830ملین روپے دی غیرملکی معاونت شامل اے۔محصولات ڈویژن دے جاری منصوبیاں کیتے16770.215ملین روپے اتے نویں منصوبیاں کیتے 925.785 ملین روپے رکھݨ دی تجویز اے۔ بجٹ دستاویزات موجب پہلے توں جاری منصوبیاں اچ آرٹی اوساہیوال اچ ودھیکی آفس ٻݨاوݨ دے منصوبے کیتے222.483ملین روپے،کسٹم کمپلیکس سوست اچ مختلف سہولتاں ݙیوݨ دے منصوبہ کیتے 182.696ملین روپے، گوادراچ ماڈل کسٹم کلیکٹوریٹ ٻݨاوݨ کیتے 680.833 ملین روپے، کراچی اچ انٹیلی جنس اینڈانویسٹیگیشن آفس ٻݨاوݨ کیتے 72.883 ملین روپے، ریجنل ٹیکس آفس سرگودھا ٻݨاوݨ دے منصوبہ کیتے 490.981ملین روپے، ایشیائی ترقیاتی بینک دے تعاون نال آئی ٹی ٹی ایم ایس منصوبہ کیتے 7500.000 ملین روپے، رکھݨ دی تجویز اے۔
