حیدرآباد۔15جون(اے پی پی)وفاقی وزیر توانائی انجینئر خرم دستگیر خان آکھیے جو سمندری طوفان دی صورتحال دا مسلسل جائزہ ڳھندے پئے ہیں اتے ایں سانڳے کہیں وی قدرتی آفات نال نمٹݨ کیتے جامع منصوبہ بندی کر ڳھدی اے، کوشش اے جو بجلی اچ تعطل نا آوے۔ اے ڳالھ انہاں حیدرآباد اچ حیسکو پاور ونگ کانفرنس ہال اچ پریس کانفرنس کریندے آکھی۔ ایں موقع تے حیسکو چیف مظفر عباسی اتےٻعے وی نال ہن۔ انہاں آکھیا جو تیز طوفانی ہوائیں نال چھوٹے چھوٹے نقصانات تھئین ٻھل سمندری طوفان بپرجوائے پاروں بجلی نظام متاثر نئیں تھیا، آر ایل این جی گیس دی فراہمی ضرور متاثر تھئی اے، جھمپیر اچ 8پول تیز ہوا نا ݙٹھن جیندی مرمت تھیندی پئی اے، سجاول لاڈیوں گرڈ صبحائیں تئیں بحال تھی ویسی، لوڑھ دے مطابق این ٹی ڈی سی اتے ڈسٹری بیوشن کمپنیاں توں عملہ سݙیا ویندا پئے، ملتان اتے فیصل آباد توں 2 ہزار افراد پڄدے پئن، حیسکو وی ہک منصوبہ ٻݨا ڳھدے۔
.jpg)