اسلام آباد۔17نومبر (اے پی پی) وزیر خارجہ شاہ محمود قریشی آکھیا جو انتخابی قوانین اچ ترمیم اتے الیکٹرک ووٹنگ مشین (ای وی ایم) متعارف کروا تے اساں ماضی دا کالک کوں دھاوݨ چاہندوں۔ 1970 ء دے بعد جتنے وی انتخابات تھین انہاں تے سوال تھین، ویلھا آڳئے جو اساں آپݨا پاسا سدھا کروں، اپوزیشن کوں سمندر پار پاکستانیاں دے ڈالر قبول ہن، انہاں دا ووٹ دا حق ݙیوݨ منظور کائنی۔ انہاں آکھیا جو قانون سازی کیتے سارے طریقہ اختیار کیتے ڳئن، ای وی ایم مشین انہاں ناپاک ارادیاں کوں دفن کرݨ کیتے ڳھدی امدوں جیڑھے جو ماضی اچ مسلط کیتے ڳئے ہن۔ آزادانہ، شفاف اتے قابل اعتماد انتخابی نظام ڳھدی امدوں۔ قائد حزب اختلاف د ہرا معیار نہ اپناون۔ انتخابات کوں چوری تھیوݨ توں بچاوݨ کیتے سارے ارکان قوانین اچ ترمیم دے حق اچ ووٹ ݙیون۔ بدھ کوں پارلیمنٹ دے سانجھے اجلاس توں خطاب کریندیں ہوئیں انہاں آکھیا جو اے ایوان ایجھے قانون سازی کرݨ ویندا پئے جئیں نال ماضی دی خرابیاں اتے قباحتاں مک ویسن اتے شفاف انتخابی نظام ملک اچ رائج تھیسی۔ انہاں آکھیا جو 1970 ء دے بعد جتنے وی انتخابات تھین انہاں تے سوال تھین، ویلھا آڳئے جو اساں آپݨا پاسا سدھا کروں، اپوزیشن کوں سمندر پار پاکستانیاں دے ڈالر قبول ہن، انہاں دا ووٹ دا حق ݙیوݨ منظور کائنی۔
.jpg)