اسلام آباد۔8اپریل(اے پی پی)وفاقی وزیر داخلہ شیخ رشید آکھیے جو ایں کیس اچ ساریاں طاقتاں بے نقاب تھی چکین، قوم سمڄھ ڳئی اے جو بیرونی طاقتاں ساݙی خودداری کھسݨ چاہندن۔ میڈیا نال ڳالھ مہاڑ کریندے انہاں آکھیا جو سپریم کورٹ دے فیصلے نال قوم اچ مایوسی کھنݙی اے جو وݙیاں طاقتاں ایویں عدم اعتماد کریندن اتے بندے مل قھندن، میں تاں 3 مہینے پہلے ہی وزیراعظم کوں آکھیا ہم جو استعفے ݙیو یا اسمبلی تروڑ ݙیوو، ہݨ وی ایہا صلاھ ݙیساں۔ انہاں آکھیا جو قوم ہر شے ڄاݨدی اے، گندی نالی دیاں سلہیں ہݨ اقتدار دے محل اچ اساریاں وینداں پن، اینڄھے فیصلے نال ملک اچ کؤئی چنڳائی نئیں تھیوݨی۔
