اسلام آباد۔13اپریل(اے پی پی) پبلک اکائونٹس کمیٹی دا اجلاس خمیس کوں پارلیمنٹ ہائوس اچ پی اے سی دے چیئرمین نور عالم خان دی زیر صدارت تھیا ۔ اجلاس اچ پی اے سی دے ارکان سودھے متعلقہ سرکاری اداریں دے افسران شرکت کیتی ۔ اجلاس اچ ہائر ایجوکیشن کمیشن دے 2020 ,2021 تے 2022 دے آڈٹ اعتراضات دا جائزہ ڳھدا ڳئے ۔ آڈٹ اعتراضات دے جائزے دے دوران یو ایس نیڈ بیس سکالر شپ دے حوالے نال آڈٹ حکام پی اے سی کوں ݙسایا جو سکالر شپ دے حوالے نال ایچ ای سی ٹارگٹ پورا نی کرسڳی ، ڈونر رقم اوں ویلھے ݙیندے جݙاں جو یونیورسٹیاں سکالر شپ تے داخلے کرگھندن جݙاں جو اے ایجھا کرݨ اچ ناکام رہیے جیں دی وجہ توں اے رقم ضائع چلی ڳئی ۔ پی اے سی ایں معاملے دی تحقیقات دا حکم ݙیندے ہوئیں آکھیے جو ایں معاملے کوں ڈی اے سی اچ زیر غورگھن آیا ونڄے ۔ نور عالم خان آکھیے تعلیم ٻالاں دے مستقبل دا معاملہ اے ایندے اچ کوتاہی کوں نظر انداز نی کیتا ونڄ سڳدا ۔ پی اے سی مختلف یونیورسٹیاں دی طرفوں ملک دے پرے دے علاقیں اچ خلاف قانون اکائونٹس کھولݨ دے حوالے نال ایچ ای سی دے جواب تے عدم اطمینان دا اظہار کریندے ہوئیں سارے آڈٹ اعتراضاں تے نویں سروں ڈی اے سی کرݨ دا حکم ݙتے ۔
