اسلام آباد۔7دسمبر(اے پی پی):وفاقی وزیر اطلاعات و نشریات مریم اورنگزیب دی ماسی سینئر پارلیمنٹرین بیگم نجمہ حمید دے ایصال ثواب کیتے ٻدھ کوں وزارت اطلاعات و نشریات اچ تعزیتی اجلاس منعقد تھیا جیں اچ بیگم نجمہ حمید مرحومہ دے ایصال ثواب کیتے اجتماعی فاتحہ خوانی تھئی۔ تعزیتی اجلاس اچ سیکریٹری اطلاعات شاہیرہ شاہد، ایڈیشنل سیکرٹری سہیل علی خان، ایم ڈی اے پی پی اختر منیر، چیرمین پیمرا سلیم بیگ، ڈی جی انفارمیشن سروس اکیڈمی مبشر توقیر، پریس رجسٹرار طارق خان، ڈی جی ریڈیو طاہر حسن، پرنسپل انفارمیشن آفیسر مبشر حسن سودھے وزارت دے ٻئے اعلی حکام اتے افسران شرکت کیتی۔ اجلاس اچ مرحومہ نجمہ حمید دے درجات دی بلندی اتے اہل خانہ کیتے صبر دی دعا کیتی ڳئی۔
