اسلام آباد۔17جولائی (اے پی پی) وفاقی وزیر داخلہ محسن نقوی آکھیا جو حضرت امام حسین علیہ السلام دا فلسفہ اساکوں ظلم دے خلاف ثابت قدم رہݨ اتے حق دا علم اُچا رکھݨ دا درس ݙیندے۔وزیر داخلہ محسن نقوی یوم عاشور دے پروقار موقع تےحضرت امام حسین علیہ السلام کوں خراج عقیدت پیش کریندیں ہوئیں آکھیا جو حضرت امام حسین علیہ السلام حوصلے نال ظلم تے جبر دے خلاف کھڑے تھی تے آوݨ آلی نسلاں کوں متاثر کیتے۔ آپݨے سنیھے اچ محسن نقوی حضرت امام حسین علیہ السلام دی سچائی کیتے غیر متزلزل وابستگی اتے باطل دے خلاف انتھک جدوجہد دی تعریف کیتی اتے انہاں دے فلسفے دے لازوال اسباق تے زور ݙتا۔ محسن نقوی رسول اللہ صلی اللہ علیہ وسلم دے نواسے حضرت امام حسین علیہ السلام دی بے مثال قربانی کوں یاد کریندیں ہوئیں حضرت امام حسین علیہ السلام دی بہادری اتے عزم دی تعریف کیتی جو انسانیت کیتے امید دی کرن اے۔
