اسلام آباد۔14 مارچ(اے پی پی) وزیر اعظم شہباز شریف آکھیے جو آئی ایم دیاں سخت شرطاں مجبورا منݨیاں پن، آئی ایم ایف نال سٹاف لیول دا معاہدہ تیکھے تھی ویسی، عمران خان عدالتاں توں لکدے ودن، انہاں تے کیس اساں ٻݨائن نا گرفتاری دا شوق اے، عدالتی حکم تے قانون اپݨا ررستہ ٻݨیدا پئے، جیکر عمران چوتھائی حصہ وی معیشت کوں توجہ ݙیندے تاں حالات اتنے خراب نہ ہوندے۔ نجی ٹی وی چینل کوں ݙتے ڳئے انٹرویو اچ وزیراعظم شہبازشریف دا آکھݨ ہا جو ساکوں عمران خان دیاں آئی ایم ایف نال شرطاں دا پتا نا ہا، اڄ آئی ایم ایف اوہے شرطاں منویندا پئے ایندا عام لوکاں تے ٻھار پوسی، ݙو ویلھے دا ٹکر کماؤݨ آلیاں کوں اوکھ تھیندا پئے ٻھل اساں بے نظیر انکم سپورٹ پروگرام نال کروڑاں لوکاں کوںس وکھ ݙیندے پئے ہیں۔ وزیراعظم آکھیا جو عمران خان کے تئیں گرفتاری توں ٻھڄسی، انہاں دے خلاف مقدمے میں کیتن ناں کوئی کوئٹہ اچ مقدمہ کراوݨ ویلھے میݙے کولو صلاح ڳھندے، وارنٹ تاں عدالتاں جاری کیتن جیندے تے قانون کارروائی کریندا پئے، اے تاں ساݙے رہنماواں کولو سیاسی انتقام ڳھندے رہین، میں سودھا، نوازشریف، مریم، حمزہ ساݙے سارے ٹٻر اتے پارٹی رہنماواں کیندے تے مقدمہ نئیں ٻݨایا، جیلاں اچ سٹیے، ساݙے گھراں دے ڳھیرائو تھئے، اج اے عدالتاں کوں آہدے جو میں 70 سال دا بزرگ ہاں جیکوں گولی لگی اے، اے انصاف اے۔ انہاں آکھیا جو عمران خان کوں تآں ہک سیکنڈ اچ ریلیف مل ویندے۔ انہاں اے تاثر رد کر ݙتا جو اساں الیکشن نئیں چاہندے، مریم نواز دی اپݨی رائے اے، میں پارٹی صدر ہاں اتے پارٹی اراکین کاغذات نامزدگی جمع کرویندے پن، مردم شماری وی تھیندی پئی اے اتے امن امان وی ہک مسئلہ اے، جیکر اساں بہانہ کرݨا ہوندا تاں کیا مردم شماری کیتے فنڈ ݙیندے؟ الیکشن کراوݨ الیکشن کمیشن دا کم اے۔ وزیراعظم آکھیا جو عمران خان قیمتی تحفے ڳھدن اتے بزار ویچ ݙتن، جیکر تحفے نا وچیندے تاں کوئی جرم نا ہا، اساں وی تحفے ڳھدن ٻھل بالکل قانونی دے مطابق رقم ادا کیتی اے۔
