اسلام آباد – 08 – نومبر (اي پي پي) وزيراعظم عمران خان چيو آهي ته نبي پاڪ ﷺ پنهنجي اعليٰ ترين اخلاقي معيار جي بنياد تي مديني جي رياست جي اخلاقي معيار کي بلند ڪيو. پنهنجي ٽوئيٽ ۾ وزيراعظم عمران خان چيو ته نبي ڪريم ﷺ اڳ ۾ پاڻ اخلاقي معيار جو اعليٰ ترين مثال (صادق ۽ امين) قائم ڪيو ۽ پوءِ انهي بنياد تي مديني جي رياست جي اخلاقي معيار کي بلند ڪيو جيڪو دنيا جيڪا دنيا جي بهترين تهذيب بڻجي وئي. وزيراعظم رومن دانشور ”اسڪيپيو“ جو قول پڻ شيئر ڪيو جنهن ۾ هن چيو ته ڪو به معاشرو اخلاقيات کانسواءِ قائم نه ٿو رهي سگهي.
