اسلام آباد – 29 – سيپٽمبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته راولپنڊي اسلام آباد سميت 8 شهرن ۾ ڪورونا وائرس جي وبا جي ڪري بند سينيمائُون کولڻ جي اجازت ڏني وئي آهي. هڪ ٽوئيٽ ۾ هن چيو ته اميد آهي ته لاهور ۽ ڪراچي جي انتظاميه ويڪسينيشن ڊرائيو کي وڌائيندي ته جيئن ايندڙ ڏينهن ۾ انهن شهرن جي سينيما به کلي سگهن. اطلاعات واري وفاقي وزير پنهنجي ٽوئيٽ ۾ اين سي او سي جي اجلاس ۾ ڪيل فيصلن جو نوٽيفڪيشن به شيئر ڪيو.
